مدونة كرباج سودانى تناشد سيدها

سيدنا يا قــــــــــــــــاعد فـوق العرش ومتبـت

الفقــر فى أرضنــــا من طـــول القعـــــاد نبت

نبتة وفيــــــــــها المرار معقود

شوكها مغطى ع الورق والعود

جارح زى السلاح ماضى

***

جبت الغــريب عنـــدنا رجلـه فوق القلوب دبت

جلب علينا العار دمار والنـار ف النفوس شبت

باب النجـــاة بالخداع مسدود

ولما شعبنا بالهوان موعود

سلم اموره وبالقضى راضى

***

ولما دعيت للخصخصــة كل اللصــــوص لبـــت

خليت عموم الخيرللغيروفى حجر الغريب صبت

بطنى جاعت وعزمى بقى مهـــــــدود

اتقطع حبل الوصال بينا وكان ممدود

وقلبى الحزين من حبكم فاضى

***

عصبة فضح الاله سترها مهما دارت مهما خبت

ظهرالفساد فى طبعهم والعفن ضـــارب ومتثبت

اتفتح بابنا لاخره وكان قبلها مـــــــردود

م الظلم لو يوم زاد يبقى الفقر له مردود

تغضب سمانا وتخلف رجاناوالدعا مردود
http://elmedahwel.blogspot.com/