شغل خبر الحكم على ممدوح إسماعيل بالسجن لمدة 7 سنوات عدد كبير من المدونين ، حيث كان هناك تصارع في نشر الخبر منذ النطق بالحكم ، لتنفرد بنشرة قبل الصحف والفضائيات ، وكانت هناك تعليقات مختلفة من بعض المدونين على الحكم ، فنرى أبو المعالي فائق صاحب مدونة لقمة عيش يقول ،هل تفلح 7 سنوات سجن في ردع مواطن قتل أكثر من ألف شخص لو أن كل مواطن قد فقد في تلك الكارثة وكان شهر سجن عن كل مواطن لأصبح عدد شهور السجن 1034 شهر تقريبا ستتجاوز سنين السجن " 86 " عاما فقط عن القتلى غير الجرحى والمصابين الذين بلغ عددهم 386 فلو كل مواطن من الجرحى أخذ عنه المتهم نصف شهر حبس ستتجاوز سنين الحبس عن الجرحى " 16 " يعنى بحسبة ساذجة وبسيطة وغير منطقية وربما غير قانونية كان يجب أن تحكم المحكمة على المتهم الهارب ممدوح إسماعيل بأكثر من 100 عام من السجن هذا غير التعويضات التي هي من حق أهالي الضحايا ، وفى مدونة وسع خيالك أعلن صاحب المدونة عن تشكيل تنظيم 30 فبراير و مسئوليته عن عملية اغتيال ممدوح إسماعيل في لندن، حيث تم إلقاءه من الشرفة في الدور الثامن، وختم تعليقه الساخر بقولة (والعاقبة عندكم في المسرات.) وحصلت المدونة على عدد70 تعليق، بينما احمد شقير في مدونته حكاوي أخر الليل قال بعد نطق الحكم.. للعدالة وجوه كثيرة ، وفى جبهة التهيس الشعبية قالوا ،ممدوح إسماعيل اخذ سبع سنين عشان قتل إلف واحد، سنة فيها اتناشر شهر، في سبعة يبقوا أربعة وثمانين شهر، لا مش ح ينفع تتحسب باليوم بقى، يوه، ده سنة السجن تسع شهور مش اتناشر شهر، كده يبقى ميتين وسبعين يوم في سبعه يبقى الف تمنمية وتسعين على الف أربعة وتلاتين، مش اللي ماتوا الف أربعة وتلاتين؟ يعني نصيب كل قتيل يوم وثمانية من عشرةعرفتوا بقى؟ يعني لما تقتل واحد تتحبس يوم وتمانية من عشرة يعني حوالي 44 ساعة
خلاص؟
اتفقنا
اتكلوا على الله بقى
وفى مدونة لساني هو القلم قالوا بعد الحكم على ممدوح إسماعيل ب 7 سنوات في قضية العبارة اهالى الضحايا لا طالوا عنب الشام ولا بلح اليمن وفي نظره سريعة على الحكم نرى الآتي : الحكم على ممدوح إسماعيل بالسجن 7 سنوات .. يعني بحسبه بسيطة واخد يومين ونص على كل ضحيةلأن 366 يوم وهم عدد أيام السنه مضروبة في 7 سنوات وهي عدد السنين المحكوم بها غيابيا على ممدوح إسماعيل مقسم الناتج على 1033 وهو عدد ضحايا العبارة يكون الناتج يومين ونص366 × 7 = 2562 ÷ 1033 = 2.4يعنى يومين ومش مكملين النص كمان لكل قتيل ولو اتنفذ الحكم لا قدر الله ممكن ربنا يكرمه ويخرج بعد نص المدة ، ولا عزاء لأسر الضحايايعني ممكن الضحية يقف بيوم وربع يابلاش
طبعا الحسبة إلي فاتت دي لو كانت بحساب إن سنة السجن تساوي 12 شهر لكن المعروف إن سنة السجن بـ 9 شهور يبقى نعيد الحسبة تاني كده من جديد ببساطه يعني 9 شهور في 30 يوم في 7 سنين مقسم على 10339×30 = 270 × 7 = 1890 ÷ 1033 = 1.8يعنى مش مكملين يومين كمان لكل قتيل ولو اتنفذ الحكم لا قدر الله ممكن ربنا يكرمه ويخرج بعد نص المدة يرضه، ولا عزاء لأسر الضحايايعني ممكن الضحية يقف بيوم الا ربع يا بلاش
طبعا الكلام الي فوق دا كله ملوش لازمه لا هو ولا الحكم لان الباشا بسلامته عايش بره في لندنمين بقى يجيبه من برهالله أعلميعني ممدوح إسماعيل هربان بره يعني الحكم مش هيتنفذ ولو لا قدر الله حكومتنا صحي ضميرها لا قدر الله ورجعته مصر هيطبق عليه بحنيه على طريقة يا حونين على الوسط يا استك يعني بالعربي الفصيح الحكم حبر على ورقيعني الضحايا لا طالوا عنب الشام ولا بلح اليمن
ليست هناك تعليقات:
إرسال تعليق